Un 5 de xuño de 1898 naceu Federico García Lorca en Fuente Vaqueros, Granada. Estamos a falar dun dos poetas e dramaturgos españois de máis influencia e popularidade na literatura española do século XX.
Podes chorar, pechar a túa mente, sentir o baleiro e dar as costas,
ou podes facer o que a el lle gustaría:
Sorrir, abrir os ollos, amar e seguir.
Este poema tradicional escocés vai dedicado á unha clubeira moi especial que acaba de perder a alguén moi importante dun xeito traumático e de igual modo a outra alumna deste centro que tamén lle acaba de acontecer o mesmo estes días. A literatura e as palabras non curan, pero poden ser terapéuticas en momentos moi traumáticos das nosas vidas.
A poesía non debe asustarnos. Podemos e debemos ler poesía e descubrir que pode ser moi sinxela ou, ás veces, é certo, un pouco máis complicada pero iso non debe frenarnos para descubrir ese mundo cheo de música. Aquí vos deixamos a dobraxe dun filme que ilustra o poema de Jacques Prévert Déjeuner du matin, interpretado por María de 2º de bacharelato.
Na recollida do premio, o pasado 18 de decembro en Teo, Lucía explicou como a súa fonte de inspiración foi o famoso poema rosaliano "Adeus ríos, adeus fontes" do libro Cantares gallegos.
"En el norte hay un mar que es más alto que el cielo" é o titulo dun dos seus poemarios.
NELSON VILLALOBOS
Carlos Oroza, o poeta viveirense, deixounos este pasado domingo, pero quédannos os seus poemas para que non esquezamos a un dos poetas máis senlleiros da nosa xeografía que pasará á historia con maiúsculas da poesía.
A nosa integrante do grupo do club de lectura de 2º de bacharelato, Sara Martínez, foi premiada nos prestixiosos Premios Minerva 2015. Aquí temos unha foto da recollida do premio en compañía dos outros premiados e da escritora, Marina Mayoral, condutora do acto de entrega de premios.
Nunca soñou Eduardo Pondal que os seus rumorosos puidesen ser versionados ó son de Pretty Woman. Pois aquí está unha nova recreación das fantásticas María Lado e Lucía Aldao.
Poema de Marta Dacosta presentado no congreso internacional interdisciplinar "Poéticas e políticas do corpo na contemporaneidade", celebrado en París o 9 e 10 de abril de 2015
Mañá 15 de maio participamos no encontro: "Poesía en clave dixital" en Caldas de Reis, no que os nosos grupos de club de lectura se reúnen cos grupos de alumnado dos centro do IES de Poio, IES de Sanxenxo e do IES San Paio de Tui. Contamos con obradoiros coas poetas: Rosalía Fernández Rial, Susana Aríns e cos músicos: Sergio Trillo e Clara Pino.
Eduardo P. Baamonde
O grupo de 1º de ESO recitará poemas de Susana Aríns e Clara Pino no recital que se realizará no Auditorio Municpal de Caldas de Reis e a nosa alumna Sara Martínez de 2º de bacharelato recitará os seus poemas premiados nos Premios Minerva deste ano.
O grupo de 3º de ESO tamén recitará un poema de composición colectiva propia na homenaxe ó río posterior á comida.
POEMA Ó RÍO UMIA.
Empezamos este poema
sen trampa nin cartón.
O río Umia
non ten comparación.
Nós, os de Vilalonga
este poema imos recitar.
É do río Umia,
así que ninguén se pode queixar.
Forcarei veuno nacer
coas pedriñas no caudal.
Corre a súa auga linda,
corre entre o vendaval.
Choiva no inverno
e saraiba tamén,
alimentan o Umia
vaivén tras vaivén.
As fábricas acaban co Umia contaminándoo sen piedade.
Se non o coidamos nós,
quen lle dará liberdade?
Os veciños non se cansan
de protestar e protestar.
Pois queren o mellor para o río
con temor polo que poida pasar.
Este poema xa está rematado,
esperamos que fose do voso agrado.
Todos eles contribuirán na intervención poética polo rueiro de Caldas de Reis, consistente na pegada deste poema convertido en palmeira e outros carteis e folletos, que ofrecerán versos e poemas pola rúa e distribuíndo publicidade poética nos parabrisas dos coches.
O noso alumnado de 1º e 3º de ESO estanse a preparar para o encontro poético, antes denominado "Enredado Versos" e agora "Poesía en clave dixital" que este ano realizarase en Caldas. A arpista Clara Pino e a poeta Susana Aríns son algunhas das invitadas ó evento deste ano, de aí que esteamos a preparar algunha das súas obras co alumnado de 1º de ESO.
A rapazada do Club de lectura de 1º de ESO está a preparar para recitar a "Alborada de Malulú", letra da arpista Clara Pino, que escribiu para que acompañase á novela "Un dedo manchado de tinta" de Manuel Portas, inspirándose nun dos seus personaxes, xunto con cinco poemas máis.
O meu mundo é de terra e luz.
Cálido
como a tristura dun neno,
como o fel dos esquecidos
amargo.
Sincera mirada de león.
O teu mundo é de pedra e auga,
roteiros húmidos
sen calma,
de xigantes con fortuna
máis coas almas
desvalixadas.
Como é que non te preguntas pola cor da miña pel?
Ti, allea,
derrubas muros,
eu silente,
virxe de ti,.
As miñas mans tremen
cando me vexo nos teus ollos.
Curtido estou coa ansia de vivir.
Ti, saciada de corazóns baleiros,
entras no meu camiño intanxíbel,
esntra co teu paso firme.
Como é que non te preguntas cor da miña pel? CLARA PINO, arpa celta e voz.
Nada
en Vigo no ano 1972. Inicia os estudos musicais no Conservatorio Superior de
Música de Vigo a idade de oito anos. Entre os seus traballos máis salientables
na Música Clásica destaca ser membro do octeto
renacentista Música Reservata, co
cal deu numerosos concertos por toda a xeografía galega, entre os que cabe
destacar o Teatro Principal de Santiago
de Compostela e o Teatro Principal de Pontevedra. Licenciada en
Filoloxía Hispánica pola Universidade de Santiago, comeza os estudos de Música
Tradicional na disciplina de Arpa Celta impartida por Rodrigo Romaní no
Conservatorio de Música Popular (E-Trad), en Vigo. Do ano 2004 ata xullo de
2007 pertence ao dúo Sete Saias co
cal edita un disco, contando con colaboracións como Rodrigo Romaní, Xosé Manuel Budiño, Fernando Abreu, Xosé
Liz ou Begoña Riobó, e toca en diversos festivais como Ortigueira 07, Xacobeo 07. No ano 2007
grava coa formación Covalblú o traballo Mai. En 2011 pasa a formar parte do
trío Loaira, co cal edita dous traballos discográficos: Loaira e o CD que acompaña á novela de Manuel Portas, Un dedo manchado de tinta, onde o trío
musicaliza a seis personaxes de dita novela . Profesionalmente compaxina a súa
labor como docente de Música no Ensino Secundario coa actividade artística
musical. Na actualidade está preparando novo traballo discográfico con Pablo Vidal Mendoza, o cal verá a luz
este próximo outono 2015.
Asemade, tamén están preparando para recitar un poema de Susana Aríns, que publicaremos aquí en breve. O grupo de 3º de ESO está traballando nun poema colectivo sobre o río Umia, que tamén achegaremos nunha nova entrada. E algúns dos nosos integrantes de 2º de bacharelato participaran por ser os gañadores no concurso de parodias.
UN BERRO A GALICIA (PARODIA DE "UN CANTO A GALICIA" DE JULIO IGLESIAS"
Eu non te quero tanto,
demo dos números vaite marchando.
Paso de estar estudando,
prefiro quedar fóra xogando.
Un berro a Galica, hei,
un berro contra escola.
Un berro a Galicia, hei,
estudar non me mola.
Teño morriña de durmire,
na cadeira do cole non quero estare.
Eu non me quero levantare,
ata o sono acabare.
O alumnado do club de lectura de 1º ESO presentouse ó Concurso de Parodias Musicais, que organiza o Departamento de lingua e literatura castelá dentro do proxecto Poesía dixital, con esta letra que parodia a canción de Julio Iglesias.
Os seus integrantes: Lucía Abalo, Alejandro Amado, Eva Basdediós, María Camiña, Nicolás Otero e Nuria Puente son os autores en conxunto desta parodia.
