A nosa clubeira de 2º de ESO, Lucía Afonso Abalo, foi premiada no XII Concurso de Poesía, Anomar convocado pola Asociación Recreativa e Cultural "Os Tilos".
Adeus ríos, adeus fontes.
Adeus aos campos en flor,
adeus ondas dos mares
adeus meu corazón.
Adeus roteiros húmidos
que mollaron a miña alma,
adeus as pinguiñas
xogueteiras da calma.
Adeus terras de labranza,
o noso selo, a nosa marca.
Adeus chíos dos merliños,
adeus as sombras das súas alas.
Adeus estrelas,
adeus as augas
que levaron miñas penas
levándoas coa riada.
Adeus casiña,
adeus pegadas da praia,
adeus as esmolas
que por soñar me daban.
Adeus aos meus versos
que eu antes cantaba,
adeus aos ceos
!Que limpos estaban!
Adeus ao que eu quero,
adeus a miña alma.
Adeus, meu tesouro,
agardarás onde estabas.
Na praia dos soños,
agochado, meu corazón,
a miña chave dos teus beizos,
o cofre, miña paixón.
Mecíanse os meus suspiros,
arroupados polo vento.
Os meus ollos pechados
mirando cara dentro.
Na recollida do premio, o pasado 18 de decembro en Teo, Lucía explicou como a súa fonte de inspiración foi o famoso poema rosaliano "Adeus ríos, adeus fontes" do libro Cantares gallegos.
