"O pintor do sombreiro de malvas", lectura do grupo de 3º de ESO

O grupo do club de lectura de 3º ESO A está a ler "O pintor do sombreiro de malvas" de Marcos Calveiro. Xa tivemos dúas xuntanzas que deron para comentar os seus personaxes e as peculiaridades que os rodean, como é o caso do noso innominado protagonista e o seu amigo, o pintor, Vicent Van Gogh, que son cos que máis empatizan. Non acontence o mesmo coa tía Jojo e o párroco de Auvers. Tamén nos paramos a  comentar a relación amorosa do rapaz con Adeline.

<

 Loving Vincent é a nova película ó óleo sobre Vincent Van Gogh, que tamén está baseada nas cartas escritas polo propio pintor ó igual que unha parte importante da novela que estamos a ler.

Xuntanza para comentar "O pintor do sombreiro de Malvas"

 

O pasado xoves, 22 de xaneiro, tivemos a nosa xuntanza final da lectura do libro O pintor do sombreiro de malvas de Marcos Calveiro co grupo de 3º de ESO.

Nos  comentarios dos nosos clubeiros saíron varias veces as actitudes e ideas intransixentes de certos personaxes da novela, como as do señor cura, a tía do protagonista ou os rapaces do pobo, entre outros,  que representaban a sociedade abafante dese pobo rural francés chamado Auvers que acolleu a Vicent Van Gogh durante os últimos meses da súa vida.

Para afondar neste libro segue a ser interesante compartir esta pequena presentación realizada polo club de lectura do IES de Poio, hai xa uns anos. 

O pintor do sombreiro de malvas

View more presentations from Anxos bibliotequeira.